شرح إضافة خدمة الاشتراك فى جديد المدونة [ القوائم البريدية ]

بسم الله
الأخوة الأفاضل أصحاب مدونات بلوجر
السلام عليكم ورحمة الله وبركاته
أسعد الله أيامكم وبارك فى أعماركم.
خدمة اشترك فى جديد المدونة هى خدمة تقدمها شركة جوجل عبر موقع Feedburner .
وسأشرح لكم اليوم بالصور المملة طريقة الاشتراك فى الخدمة وإضافتها للمدونة أو لموقعك وتعريب رسالة التفعيل وإضافة عداد المشتركين.
الخدمة يمكن إضافتها إلى العديد من المدونات مثل بلوجر ووردبريس وهناك قائمة فى الموقع بأسماء خدمات المدونات التى يمكن إدراج الخدمة بها.
الشرح مقتبس من شرح الأخ ابن حجر بمنتديات عرب بلوجر والأخ أسامة شرحها بالفيديو.
أولا كل شخص له حساب على جوجل فهو بالتالى يستطيع الدخول به إلى feedburner والاستفادة من خدماته
ادخل على الرابط التالى
feedburner.com
سجل دخول بإيميلك الـ GMail كما فى الصورة

تظهرلك الصفحة دى

حط رابط مدونتك فى المربع الابيض الفاضى مكان اسم المدونة المشطوب عليه ده عشان ده سر

ودوس Next

تطلعلك الصفحة دى

اختار الاشتراك فى RSS

ودوس Next

تطلعلك الصفحة دى

 

سيب البيانات زى ما هى بس احفظ اللى مكتوب فى الخانة اللى تحت عشان هنحتاجه بعد كده ويستحسن تكتبه فى ورقة او ملف نصى

ودوس Next

تطلعلك النافذة دى

دوس Next علطول

سيب كل حاجة زى ما هى ودوس Next
وتابع معايا
اضغط زى ما فى الصورة دى

وبعدين تابع زى الصورة دى

وبعدين اختار نوع مدونتك من القائمة المنسدلة
تابع

ودوس Go

هيبعتك لبلوجر لإضافة عنصر للصفحة
بالشكل ده

إذا كان عندك مجموعة مدونات اختار المدونة اللى انت استخدمت الرابط بتاعها فى الـ فييد بيرنر واتأكد إنك اخترت المدونة الصح عشان تشتغل الاضافة مظبوط وفى خانة العنوان امسح المكتوب بالانجليزى واكتب مكانه جديد المدونة
وبعدين يا سيدى  دوس على تحرير المحتوى عشان يظهرلك كود الاضافة بالشكل ده

فاكر الكلمة اللى قلتلك اكتبها فى ورقة او مستند نصى اللى هى اسم مدونتك
جه وقتها دلوقتى ولو كنت نسيتها دور فى الكود على
mailverify?uri=everyyyday
شفت كلمة everyyyday اللى بعد علامة =
دى هتلاقى اسم مدونتك مكانها
طلعها اكتبها فى اى حتة
الكود اللى فوق بيدى العبارات وزر الارسال بالانجليزى
احنا عاوزين نعربهم
احذف الكود اللى داخل المربع كله وانسخ الكود الجاى ده وحطه فى المربع مع ملاحظة تغيير اسم مدونتى باسم مدونتك اللى كان فى الكود القديم

<form action="http://feedburner.google.com/fb/a/mailverify" style="border:1px solid #ccc;padding:3px;text-align:center;" target="popupwindow" method="post" onsubmit="window.open('http://feedburner.google.com/fb/a/mailverify?uri=everyyyday', 'popupwindow', 'scrollbars=yes,width=550,height=520');return true"><p>اكتب ايميلك ثم اضغط اشتراك:</p><p><input style="width:140px" name="email" type="text"/></p><input value="everyyyday" name="uri" type="hidden"/><input value="en_US" name="loc" type="hidden"/><input value="اشتراك" type="submit"/></form>

 استبدل اسم موقعى اللى بالأحمر باسم موقعك
ومبروك عليك الأداة وبكده يقدر الزوار يشتركو معاك عشان يوصلهم رسايل على بريدهم الالكترونى كل ما سياستك تدود أسف قصدى تدون

خلاص غيرنا الكود كليك على إضافة عنصر واجهة المستخدم
هتروح على التخطيط عناصر الصفحة هتلاقى التالى

خلاص كده تمت اضافة العنصر
روح على المدونة هتلاقى صندوق الاشتراك فى القائمة البريدية موجود
زى اللى فى مدونتى
مش زيه بالظبط طبعا كل واحد وزوقه
غير عنوان الاضافة للى يناسبك
نيجى لتعريب رسالة التفعيل لأن الزائر أفندى لما يشترك معاك الفييد بيرنر باشا بيبعتله رسالة تفعيل عشان يتأكد إنه بنى آدم
لا مش زى ما انتو فهمتو
يعنى يتأكد إن اللى بيسجل شخص مش برنامج سبام واللى مش عارف يعنى إيه برنامج سبام ينتظرنا فى الحلقة الجاية من عالم البحار هنشرح يعنى إيه برنامج سبام إن شاء الله
ارجع تانى لعمك الفييد بيرنر وادخل على حسابك وكليك على اسم المدونة هتدخل على الصفحة دى
اضغط بالترتيب زى ما فى الصورة

ماشى يا ريس؟
غير زى الصورة دى

احذف محتويات المربع الكبير وحط مكانه النص التالى
------------------- بداية النص -----------------------
السلام عليكم ورحمة الله وبركاته

لقد طلبت الانضمام إلينا لمتابعة جديدنا وسنرسل إليك الرسائل محتوية على المواضيع الجديدة للمدونة , لتفعيل اشتراكك فوراً انقر على الوصلة التالية

${confirmlink}

(إذا كانت الوصلة في الأعلى غير قابلة للنقر فانسخها وألصقها في متصفّحك.)
------------------- نهاية النص-------------------
طبعا متاخدش السطرين بداية ونهاية النص مع النص وتحطهم فى الموقع خليك نور
خلاص يالا سيف Save

نيجى لأخر حاجة
إضافة عداد للمشتركين
ادخل على حسابك فى الفيييد بيرنر
وادخل على التالى

اعمل بالترتيب زى ما الصورة بتقول
وبعد ما تختار الالوان اللى تناسب موقعك فى الخطوة 3
( إذا مكنتش عارف ازاى تحط أكواد الألوان اللى تناسب موقعك استخدم أداة التقاط الألوان من على الشاشة من هنا

أداة التقاط اللون من على الشاشة هامة جدا للمصممين وأصحاب المواقع

بعد ما تخلص كليك على Activate
تظهرلك الصفحة بالشكل ده

انسخ الكود ده وروح حطه تحت الكود بتاع فورم القائمة البريدية عشان يظهر العداد تحتها
وبس بكده انتهى الشرح
وأى استفسار أنا فى الخدمة يا شباب وفى انتظار تعليقاتكم وآرائكم واقتراحاتكم ولو فيه أى نقطة مش واضحة فى الشرح نوضحها زيادة
وكالعادة إذا الصور مش واضحة أو مظهرتش ده ملف فيه جميع صور الشرح حملها وهى مرقمة بالترتيب يعنى مش محتاجة شرح

ملحوظة : لتحميل سريع ينصح باستعمال

تحميل انترنت داونلود مانجر Internet Download Manager

ملف الصور حمل من هنا

تحياتى لكم

مواضيع ذات صلة :