آخر المواضيع

ابحث فى Google

بحث مخصص

الاثنين، 16 نوفمبر 2009

كيف أشترك فى خدمة جديد المدونة؟


السلام عليكم ورحمة الله وبركاته
كيف حالكم إخوانى الأفاضل
أتمنى تكونو جميعا بخير
فى الموضوع ده هرد على تساؤلاتكم بخصوص الاشتراك فى خدمة جديد المدونة وبكل بساطة.
أولا ما هى خدمة جديد المدونة؟
هى خدمة تقدمها شركة جوجل عبر موقع  Feedburner بحيث أنك تشترك ببريدك الالكترونى وكلما وضع موضوع جديد فى المدونة هنا تصلك رسالة على بريدك فيها الموضوع الجديد.
ما الميزة فى ذلك؟
الميزة إذا كنت متابع لموضوع مكون من عدة أجزاء مثلا وعاوز تعرف لما يتحط جزء تانى له أو تكملة له ساعتها تشترك فى الخدمة دى ويوصلك ايميل على بريدك الالكترونى لحظة نشر الموضوع الجديد فى المدونة.
هل الاشتراك فى الخدمة صعب وبياخد وقت؟
لا أبدا بالعكس الاشتراك سهل جدا وبسيط جدا وبيتم فى خلال دقيقتين أو ثلاثة بالكتير.
إزاى أشترك فى الخدمة دى؟
بكل بساطة تابع معايا الصور وانت هتعرف ازاى تشترك.
دور على الجزء ده فى العمود اليمين طبعا فى القالب الحالى لو القالب اتغير الشكل هيتغير بالتأكيد لكن المحتوى هيفضل زى ما هو



اكتب ايميلك فى المستطيل الفارغ المشار إليه بالسهم ودوس اشتراك
هتطلع نافذة صغيرة زى دى



إيه وظيفة النافذة دى؟
دى وظيفتها التحقق من إن اللى بيسجل إنسان مش برنامج لأن فيه برامج سبام بتسجل فى الخدمات المختلفة.
هعمل إيه فى النافذة دى؟
كل المطلوب منك إنك تكتب الحروف الملخبطة فى بعضها اللى متشاور عليها بالسهم الأحمر فى الخانة الفاضية تحت ومتفرقش كبيرة أو صغيرة يعنى كابتل أو سمول.
وبعدين دوس Complete
هتطلعلك نافذة زى دى


هنا يا سيدى بيقولك ان طلبك تم قبوله لكن مطلوب من سياستك إنك تأكد لشركة جوجل هانم إن إيميلك صحيح.
إزاى؟
هيوصلك رسالة تفعيل على إيميلك بالشكل ده
عنوانها تفعيل الاشتراك فى مدونة كل يوم 



طيب لو موصلتنيش الرسالة أعمل إيه؟
الرسالة لازم هتوصلك لأن دى جوجل مش أى حد لكن لو إنت من مستخدمى الياهو والهوتميل هتلاقيها فى الـ spam فى الياهو وفى الـ Junk Mail فى الهوت ميل دور عليها

افتح الرسالة هتلاقى نصها كده بالشكل ده



طبعا مفهومة
اضغط على الوصلة اللى فى الرسالة تظهرلك على طول نافذة صغيرة زى دى بيباركولك فيها على اشتراكك معانا ( يا فرحتى )



طبعا بيقولوا لحضرتك ان ايميلك تم التحقق منه وإنه فى حالة وجود مواضيع جديدة فى المدونة هتوصلك رسالة فى نفس اليوم بالمواضيع الجديدة . مفيش مواضيع مفيش رسايل هتوصلك يعنى اطمن مفيش أى نوع من أنواع الازعاج أو الدعاية.
ارجع تانى لصفحة الياهو أو الهوتميل ومتنساش تضغط على زرار Not spam  عشان لما تيجى رسايل من المدونة بعد كده تيجى على صندوق الوارد Inbox  شوف الصورة



ودى خطوة مهمة جدا
وفى النهاية إحنا بننصح باستعمال ايميل الـ Gmail للتخلص من مشاكل الياهو والهوتميل
أعتقد الخطوات بسيطة وسهلة ولو فيه أى استفسارات أنا فى خدمتك فى أى وقت حط تعليقك أو استفسارك أو اقتراحك وأنا تحت أمرك.
تحياتى لك.





مواضيع ذات صلة :

3 التعليقات:

عبدالرحيم on 19 نوفمبر 2009 في 3:08 م يقول...

شرح وافي ماشاء الله ، ولكن كيف يمكن جعل الرسالة باللغة العربية؟

محمد عبدالقادر on 25 نوفمبر 2009 في 2:34 م يقول...

أخى الفاضل القادم
شكرا على مرورك الطيب وشرفت المدونة
إن كنت تقصد رسالة التفعيل فيمكنك الاطلاع على شرح ضبط الخدمة فى الفيد بيرنر من هنا
http://everyyyday.blogspot.com/2009/11/blog-post_16.html
الموضوع بعنوان
شرح إضافة خدمة الاشتراك فى جديد المدونة [ القوائم البريدية ]
وأى استفسار أنا فى الخدمة أخى الحبيب وأسف جدا على تأخرى فى الرد ولكن انقطاع النت هو السبب فأرجو المعذرة
تحياتى لك

samiiiiiiir on 20 أغسطس 2011 في 11:34 م يقول...

chokraa 3la almawdouuuuuuuuuuuuuuuuu3

إرسال تعليق

كن إيجابيا وشارك برأيك لا تقرأ وترحل
تقييمك للمواضيع يساعدنا على معرفة مدى توفقنا فى اختيار المحتوى المناسب لك وتعليقاتك تطلعنا على رأيك وانطباعك واحتياجاتك مما يساعدنا على تلبيتها.
شرف لنا أن تحمل صفحاتنا كلماتك.
تفضل بالتعليق:

 

التبادل الإعلانى

المواضيع الأكثر قراءة

مدونة كل يوم Copyright © 2009 Designed by